Aita Larramendi Ikastolak ekimenean parte hartzera gonbidatzen ditu andoaindarrak

Euskaraldia. 400 lagunetik gora izango dira Euskaraldiaren txapa Larramendi Ikastolaren bidez jasoko dutenak./
Euskaraldia. 400 lagunetik gora izango dira Euskaraldiaren txapa Larramendi Ikastolaren bidez jasoko dutenak.

El Diario Vasco
EL DIARIO VASCO ANDOAIN.

Aita Larramendi Ikastola Euskaraldiaren batzordekide da eta Ikastola osatzen duen komunitatea zuzenean gonbidatu du Euskaraldian parte hartzera. Horretarako webgunearen bidez 400 lagunetik gorak eman dute izena eta aste honetatik haurrera ikasleen bidez jasoko dituzte Euskaraldian erabiltzeko txapak (ahobizi edo belarriprest). Ikastolak andoaindar guztiak gonbidatzen ditu parte hartzera, Andoaingo herriak merezi duelako euskarak kalean presentzia handiagoa izatea. Euskaraldian izena ematea oso erraz egin daiteke www.andoaindarraeuskaraz.eus webgunearen bidez. Ikastolako familien kasuan, www.andoainikastola.eus bidez egin daiteke eta ikasleen bidez jasoko da txapa etxean.

Ikastolak adierazi du Euskaraldia aktibaziorako ariketa soziala izango dela, eta Andoainen ditugun hizkuntza ohiturak astintzeko balioko du. «Gure herrian lau bizilagunetatik hiruk gutxienez, euskara ulertu egiten du. Datu horiek kontutan hartuta, lagun ugari izan litezke datozen azaroaren 23tik abenduaren 3ra Ahobizi edo Belarriprest. Oinarrian, datu itxaropentsuak dira, are gehiago, andoaindarron erdiak euskaraz hitz egin dezakegula ikusita».

Ahobizi edo Belarriprest

Bestalde, esaten duenaren arabera, «Euskara andoaindarren egunerokoan neurri handi batean bizi den hizkuntza da. Egunero euskarazko hitz, esaldi eta elkarrizketekin batera bizi gara. Euskara ulertze hutsak Belarriprest izatera eta hizkuntzaren abentura elebidun bati hasiera ematera gonbidatzen gaitu. Belarriprest izan daiteke baita ere testu hau ulertu dezakena, euskaraz jakin baina hitz egiteko ohiturarik ez duena. Beste horrenbeste gertatzen da euskaraz hitz egitea lotsa senti-tzen duten guztiekin. Belarriprest izanda, nahi duen guztietan hitz egin ahalko dute euskaraz, inongo presiorik gabe. Bestalde, Ahobizi izatearen aukera hautatzen baduzu, txapa hori paparrean daramatenek euskaraz hitz egingo dute Euskaraldian parte hartzen duten Ahobizi eta Belarriprest guztiekin».

Ikastolak gogoratzen du «Euskara Andoainen gordetzen dugun altxorrik ederrenetakoa da».

 

Fotos

Vídeos