Irun

Zelanda Berrian bizikletaz bidaiatuko du 'Zure abenturaren bila' programak

'Zure abenturaren bila' programak 'Zelanda Berria bizikletaz' saioa eskainiko du bihar, osteguna, Eneko Redondo bidaiariaren eskutik. Hitzordua 19:30ean izango da, Amaia KZko hitzaldi aretoan, eta sarrera doakoa izango da. Ikus-entzunezkoa proiektatuko da, 60 bat minutuz, eta ondoren, solasaldi bat izango da Eneko Redondorekin. Protagonistak azaltzen duenez, «Hego Ameriketako mendikaterik famatu eta luzeenetatik bizikleta ganean hamalau hilabete luze eman eta gero, Zelanda Berrira egin nuen salto». Esperientzi berri honetan murgildu zen zenbait galderei erantzuna bilatzeko: «gai ote nintzen kultura berri honek proposatzen zituen erronkei aurre egiteko?» Hego Amerikan izan ondoren, «nola ulertuko nuen irlatxo bi hauek munduarekiko duten ikuspegia eta harremana?»