Irun

Taldeak Bretainian izan den Marionnetic jaialdian parte hartu du

Ostomila Txotxongilo Taldeak Bretainian burutu berri den Marionnetic Nazioarteko Jaialdian parte hartu du. Rubén Mejutok eta Tamara Cuéllarrek Irati Ibarra akordeoilari eta trikitilariarekin batera bidaiatu zuten 'Alaia Galtzagorria' lana bertan aurkezteko. Ikuskizun honek euskal pertsonaia tradizionalak eta musika herrikoia uztartzen ditu; beraz, publiko bretoiari euskal kultura hurbiltzeko aukera bikaina izan zen. Ostomilak oso positiboki baloratzen du Marionnetic jaialdian parte hartu izana, «aukera ezin hobea» izan baita nazioarteko txotxongilo antzerkiko zirkuituan euren lana ezagutarazteko.