Irun

Ipuin-kontalari feminista eskainiko du Dorleta Kortazarrek bihar Emakumeen Etxea

Bihar osteguna, martxoak 20, Ahozko Kontakizunen Eguna da eta hori ospatzeko euskarazko ipuin-kontalari bat antolatu du Berdintasun Zerbitzuak: Dorleta Kortazar ipuin-kontalariak 'Hitzen lapurra' istorioa kontatuko du. Jarduera arratsaldeko 19:00etan izango da Irungo Emakumeen Etxean, eta sarrera librea da toki guztiak bete arte.

Jardueraren helburua da ipuinek duten balioa agerian jartzea, espazio segurua baitira bizitzaz hausnartzeko eta pertsonok bizi dituzten askotariko errealitateak aztertzeko. Izan ere, gizartean ditugun testuinguruak distantzia batetik ikusteko, aztertzeko eta sentitzeko parada ematen dute.

Dorleta Kortazarrek zortzi urtetik gora darama ipuin-kontalaritzan, publiko guztientzako emanaldiak eman baititu hainbat jaialditan, hala Euskadin nola kanpoan.

Narrazioaren ondoren, bertaratuek elkarrekin hausnartzeko espazio bat zabalduko da.