Bueltan da elkarrekin mugitzeko eta elkarri eragiteko Euskaraldiaren edizio berria

'Elkar mugituz egingo dugu' lelopean, maiatzaren 15etik 25era bitarte Euskaraldiaren edizio berria egingo dute Euskal Herri osoan zehar. Ohi denez, Irunek ere bat egingo du mugimenduarekin eta horren harira, udal ordezkariek eta hiriko hainbat eragilek elkarlanean ondutako egitarau «interesgarri eta erakargarria» aurkeztu zuten atzo udaletxeko areto nagusian.

Euskaraldiaren aurkezpen ekitaldia maiatzaren 15ean egingo dute, 19:00etan. Hamaikakoaren aurkezpenarekin batera, bertsolariak eta musikariak arituko dira Zabaltza plazako taulagainean. Itxiera ekitaldia 25ean izango da, ordu eta leku berean.

Egitarauean aurreikusita dauden jardueren artean nabarmen-tzekoak dira hilaren 23an Oskarbi taldeak kantuen bidez euskararen historia kontatzeko egingo duen kantaldi-hitzaldia eta AEK-k hitanoaren erabilera sustatzeko antolatutako ikastaro trinkoak eta Hikodromoa.

Larreaundiko auzo jaietan ere Euskaraldiaren presentzia nabaria izango da. Jai eremuan txoko informatiboa egongo da hainbat egunetan eta Eguzkitza eskolako ikasleek bazkaria eta kantu emanaldia antolatu dute.

Halaber, maiatzaren 15etik 25era bitarte mutxikoak, txotxongilo eta antzerki emanaldiak, liburu aurkezpenak eta euskaraz aritzeko bestelako jarduerak izango dira gozagai.

Beroketa moduan eta hiritarren parte hartzea sustatzeko, hilaren 10ean Gune Ibiltaria egongo da 17:30etatik aurrera Urdanibia plazan eta dantzajira emanaldi bat izanen da erdiguenan zehar. Oiasso Museoan, aldiz, euskaltegiko ikasleek Ihes Gelan parte hartzeko aukera izango dute hilaren 13an, asteartearekin.

Aurtengoa Euskaraldiaren bosgarren edizioa izango da, udaberrian egiten den lehena. 2018an gauzatu zuten estreinakoz helburu nagusi batekin: euskara ulertzen duten hiztunen hizkun-tza ohiturak eraldatu eta euskararen erabilera aktibatzea. Horretarako, 11 egunez eguneroko harremanetan euskara lehenesteko praktika soziala da, belarriprest edo ahobizi roletan. Udalak jakinarazi duenez, astelehenetik osteguneran txapak banatuko dituzte udal euskaltegian.

Irungo AEKko arduraduna den Beñat Alzagaren hitzetan, Euskaraldia «laborategi antzeko bat da, baldintzak sortu behar ditugu ariketaren osteko 365 egunetan espazioak hartzen eta euskara erabiltzen segi dezagun». Gainon-tzezko eragileek ere antzeko iri-tzia plazaratu zuten atzoko pren-tsaurrekoan.

Udalaren aldetik, Iosu Iguiñiz Euskarako ordezkariak eskerrak eman zizkien Euskaraldiarekin bat egin duten hiriko eragileei eta Euskara saileko lan taldeari.

Hala ere, hirian euskararen egoera «ez dela ona» onartu zuen Iguiñizek, eta horregatik, «hiriak Euskaraldiarekin bat egiteak zen-tzu handia duela» azaldu zuen. Dena den, Irun ere euskalduna dela aldarrikatu Euskara ordezkariak eta euskarak «gaztelaniak duen leku bera» izan behar duela nabarmendu zuen.

Cristina Laborda alkateak, berriz, aurtengo leloarekin bat egin eta «ahal den guztietan» lehenengo hitza euskaraz egiteko eta aurreikusita dauden jardueretan parte hartzeko gonbita luzatu zien irundarrei.