Irun

Behe Bidasoako elikadura sistema izango dute hizpide gaur Palmera Monteron

Ekonomia zirkularraren ikuspegitik beti ere, gaur elikadura arloko aukerak aztertuko dituzte Palmera Montero guneko Bidasoaldeko Ekonomia Sozialeko Foroetako hirugarren saioan. Alor horretan aditua den Amanda Santos biologoak, BDSKoop Elkarteko Behatokiko ikerketaren emaitzak aurkeztuko ditu goizeko 11.00etan, gaztelaniaz.

Besteak beste, Bidasoaldeko elikadura sistemaren eta lehen sektorearen egoera inguruan arituko dira hitzaldian. Kooperatibak adierazi du bertako lehen sektorea «galzorian» dagoela eta horrek arriskuan jartzen duela «tokiko elikadura-sistema osasuntsu eta jasangarri bat eraikitzea». Hain zuzen, Santosek egoerari buelta emateko hainbat proposamen jasotzen ditu 'Ekonomia zurkularra elikadura arloan Behe Bidasoan' izeneko ikerketan.