Iñaki Perurenak herri kirola hurbilduko du MUko campusera

Euskararen Eguna dela eta, Mondragon Unibertsitateko Bidasoako Campusean hainbat ekitaldi antolatu dira astean zehar. Bihar ostirala, hilak 2, Iñaki Perurena harri-jasotzaileak bere esperientziari buruz hitzaldi bat eskainiko du eta erakustaldi bat burutuko du, 11:00etan. Ondoren, ikasle eta irakasleek herri-kiroletako probak ikusi eta horietan parte hartu ahal izango dute.

Horrez gain, Bidasoako campuseko Mugi Handi ikasle-elkarteak aste osorako egitaratua antolatu du euskara bultzatzeko. Antolatutako ekitaldien artean, euskara eta kirolari buruzko argazki lehiaketa eta euskarazko piropo lehiaketa antolatu dira.