Hondarribia

Uda Jolas eta Udabenturan izena emateko azken egunak

Gazteria Departamentuak antolatzen dituen Uda Jolas eta Udabenturan izena emateko epea bihar itxiko da. Aurreinskripzioak online (www.hondarribia.eus) edota aurrez aurre egin daitezke, bigarren kasuan, Gazteen Zerbitzuan (Javier Ugarte kalea, 6), gaur 16:30etik 19:30era eta bihar 10:00etatik 13:00etara.

Uda Jolas uztailaren 1etik 30era burutuko da, 5 eta 11 urte arteko hondarribitarrei zuzendua dago eta 220 plaza eskain-tzen dira. Talaia-Bordarin goizeko 09:30etik 13:30era eta Talaia-Biterin 09:15etik 13:15ra izango da. Kuota 82,8 eurokoa da, 72,45 bigarren seme-alabarentzat eta hurrengoentzat.

Aldiz Udabentura 11 eta 14 urte bitartekoentzat da eta bi saio ditu, uztailak 2tik 15era eta 16tik 30era. Talaia-Biterin izango da eta astelehen, asteazken eta ostiralean goizeko 09:00etatik arratsaldeko 14:00era eta astearte eta ostegunetan 09:00etatik 18:30era. Kasu honetan prezio bakarra dago, 144,90 eurokoa.

Zozketa egin ondoren, Uda Jolas eta Udabenturan behin-betiko izen-ematearen epea apirilaren 14tik 26era arte izango da.