Hondarribia

Psilocybeko elektrotxaranga herrian zehar ibiliko da gaur

Psilocybe Elkarteko elektrotxarangak herriko bazterrak girotuko ditu gaur arratsean, 20:00etatik aurrera.

Jaia Gernikako Arbolan hasiko da eta honako ibilbidea egingo du: Damarri, Kale Nagusia, Arma Plaza, San Nicolás eta Harategi kaleak, Gipuzkoa Plaza, Santiago Compostela, Javier Ugarte, Martxoak 8 plaza eta San Pedro kalea. Ibilbidean zehar lau geldialdi egingo dira: Alameda, Arma Plaza, Gipuzkoa Plaza eta San Pedro kalea.

Herriko gazteak eta txaranga elkartuta, euskararen aldeko ibilaldi musikala bezala aurkeztu du gaurko saioa Euskaraldiaren herriko batzarrak. «Ekimen honen helburua herriko gazteak bildu eta euskararen sustapena musikaren bidez indartzea da. Txarangarekin batera, euskal kantak abestuz, herriko bazterrak zeharkatuko ditugu, giro alai eta parte-hartzailean. Hau ez da ohiko txango bat, baizik eta euskararekiko maitasuna adierazteko modu dibertigarria eta hunkigarria. Zatoz eta egin bat gurekin!».