Hondarribia

Opilaren egun zorogarria

Atzo, San Marko eguna, opilaren inguruan egun polita izan zuten haur eta nerabeek. 10:30ean zen hitzordua alde zaharreko elizan eta hara urbildu ziren hondarribitar asko, famili giroan. Elizaren kanpoan eta barruan argazkiak atera zituzten beraien opilekin eta momentu justuan altxa zituzten apaizaren bedeinkapena jasotzeko. Momentu hortatik aurrera aukera zuten opilak dastatzeko. Batzuk mendira jo zuten, besteak hondartzara eta parkeetara eta denek disfrutatu ahal izan zuten eguraldi paregabea izan zuen opila eguna.