Mintzalagunan eta gurasolagunan izena emateko epea bihar itxiko da

I.A. HONDARRIBIA.

Seigarren urtez Udalak eta Topagunea Eus-kaltzaleen Federazioak Mintzalaguna egitasmoa jarri dute martxan, bai eta hirugarrenez gurasolaguna ere, herrian euskararen erabileran eragiteko.

Bai mintzalagunak eta baita gurasolagunak ere euskaraz ari-tzeko ohitura duten pertsonak, ohiturarik ez dutenekin elkartzen ditu 5-6 pertsonako taldeetan, euskaraz aritzeko astean ordu betez. Gurasolaguna, espreski gurasoei zuzenduriko mintzapraktika egitasmoa da, Talaia, Ama Guadalupekoa eta San Jose ikastetxeen laguntzarekin martxan jartzen dena.

Bihar itxiko da izena emateko epea eta ondoren taldeak eta ordutegiak osatuko dira. Parte hartu nahi duen orok bide hauek ditu izena emateko: Udal Euskara Zerbitzura joz (Pampinot 12-14), korre elktronikoaren bitartez (mintzalaguna@hondarribia.eus) edota internet bidez (http://www.hondarribia.eus eta https://labur.eus/hondarribia helbidetan).

Bestalde, aurrez aurre taldeetan biltzeko aukerarik ez dutenentzat badago mintzapraktika egiteko beste modu bat, Mintzanet. On line euskara praktikatzeko aukera da eta internet bidez egiten dira saioak bikoteka. Kasu honetan izen ematea http://www.mintzanet.net/sartu.php webgunean egin behar da.

 

Fotos

Vídeos