Hondarribia

Hondarribia Dantzan jendetsua

Kemen Dantza Taldeak antolatuta, hemezortzigarren 'Hondarribia Dantzan' ospatu zen. Astean zehar Arma Plazan Nafarroko jantzien erakusketa egon zen ikusgai, gero 'Momotxorroak' dokumentala eta mahai-ingurua, Otsagabiako dantza taldea eta Kemenen saioa Santa María Magdalena plazan, Gamazada ikuskizuna eta, bukatzeko, Dantzari Txiki eguna egin ziren. Bertan parte hartu zuten Hondarribia, Irun, Hendaia, Lesaka, Urretxu eta Iruñeako dantza eskoletako haurrek. Arma Plazan dantzatu zuten eta amaiera Soroetan izan zen.