Hondarribia

Etxebizitzaren arazoarei buruzko hiru mahai-inguru burutuko dira gaur auditorioan

Auditorioan 'Hondarribian bizitzeko' ihardunaldia ospatuko da gaur, etxebizitzari buruzko hiru mahai-ingururekin. Udaleko Hirigintza departamenduak antolatuta, solasaldiak euskaraz izango dira eta sarrera librea da.

Lehen mahai-ingurua 17:30ean hasiko da eta bere izenburua '2/2006 legea eta 4/2025 dekretua; Hiri bizigarriak sortzeko tresnak'. Bertan parte hartuko dute: Olatz Mercader Etxabe, abokatua, hiringintzan aritua; Miren Vives Urbieta, 'Proiekta urbes'eko kidea. Arkitektoa, Hiri barneratzaile, aktibo eta osasungarriak.

Ondoren, 18:15tan 'Hirigintza udal mailan: ereduak eta ondorioak' izeneko solasaldian arituko dira Lorea Zangitu Aguirrezabala, udal arkitektoa; Estitxu Urtizberea Sorzabal, hirigintza zinegotzia; Josu del Campo eta Jon Macías, 'Haritik hirira'ko kideak. Hiri eta lurralde mailako ikuspegi integraleko jarduketak.

Azken mahai-inguruan, 19:30etatik aurrera, 'Bizitegi eredu berriak imajina ditzagun' ibiliko dira Pello Sologaistoa Agiriano, Arrasate taldearen gerentea eta Aitziber Lazcano Azurmendi Tolosako etxebitza saileko teknikaria. Dinamizazioa Ibai Gandiagaren eskutik izango da, ADI! bulegoko sortzailea.