Secciones
Servicios
Destacamos
DV
Donostia
Lunes, 11 de septiembre 2017, 12:25
Necesitas ser suscriptor para acceder a esta funcionalidad.
Compartir
Euriak ez zituen atzoko Bikin bat in Euskal Herria-Eire (Irlanda) topaketa eta Trenbide(o)a lehiaketako sari banaketa goibeldu. Alderantziz. Hainbat ekimen antolatu zituzten Lesakako Nafarroa Oinezen atariko jardueren baitan: mendi ibilaldia, Eireko gazteei omenaldia, sormen lehiaketako sari banaketa, kalejira, kantu bazkaria...
Horietako gehienak Berako udalerrian egin ziren. Izan ere, urtean zehar egin diren jarduerak ibilbide baten inguruan osatu ditu Lesakako Tantirumairu ikastolak. Memoria historikoa eta sormena ardatz izanik, Oiartzungo Arditturriko meategietan hasi ziren ekimen horiek, eta Arritxulo, Agiña, Lesakako mendiak eta errekak izan ziren hurrengo jardueren aitzaki eta kokaleku. Azken ekimenerako, berriz, Lesaka eta Gipuzkoa lotzen zituen trenbide ohia hartu dute oinarri, eta Berarekin osatu nahi izan dute zubia, bizilagunak izaki.
Lesakatik Bera alderako bidea eginez hasi zuten hainbat lesakarrek eguna. Mendiz lehenengo eta ondoren trenbidea zenaren bidetik iritsi ziren Bera eta Lesaka artean kokatzen den San Migel zubira, Bidasoa gainean dagoen zubi historikora. Tobera soinuekin egin zitzaien bertan ongietorria Eireko gazteei, eta txistularien doinuekin agurra dantzatu zitzaien. Ondoren, trikitixa lagun, Labiaga ikastolara abiatu ziren Berako kaleetatik.
Bazkariaren aurretik, Trenbide(o)a lehiaketako sariak banatu ziren. Arestian aipatutako trenbide ohia izan zuten ehiaketa honen oinarri, eta parte hartu zuten bost taldeek hori aitzaki hartuta osatu zituzten bost minutu baino laburragoak diren film laburrak.
Horien artean Exkas (Kattalin Odriozola, Ane Telletxea, Ane Renau, Uxue Mesa eta Iratxe Muxika kideekin) eta Irene (Imanol Mesa, Iraia Etxarte, Garazi Ubiria, Ihintza Lekuona eta Eider Goizueta) lanak gailendu ziren. Lehenak Lesakako Nafarroa Oinezen ikurrak baliatuta: toberak, ikastolaren alboko intxaurrondoa, jardueretako ibilbidea, belaunaldi ezberdinak... Bigarrenak, bestalde, kutsu historikoagoa hautatuta. Sariak Ordoki zalditegirako sarrera eta Larrunerako trenean bidaia izan dira.
Gainontzeko hiru taldeek ere Irisarrirako, Arditturriko eta Azpeitiko tren museoko sarrerak eskuratu zituzten.
Aurten 'Nafarroa Oinezeko Txikiak Handi' egitasmoak Lleida (Herrialde Katalanak) eta Venezuela aldera egin du salto. Izan ere, Aranera eta Makiritate hizkuntzak izango dira aurten egitasmoko protagonistak. Biak ere galtzeko arriskuan daudenak, Unescoren arabera. Hizkuntza komunitate horietako ordezkari bana etorriko dira urriaren 15ean, Lesakako Nafarroa Oinez egunean, Txikiak Handi manifestua sinatzera.
Hori dela eta, atzo Txikiak Handi ekimeneko taldekoek hitza hartu zuten bazkaldu aitzinetik, eta Eireko lagunak eguneko protagonistak izaki, hirugarren hizkuntza bati ere egin nahi izan zioten keinua: gaelikoari. Horretarako, euskaraz eta gaelikoz irakurri zen manifestua, eta Eireko ordezkari batek sinatu zuen.
Ondoren egin zen kantu bazkarian ere Eireko hainbat kantu abestu zituzten. Guztia girotzen Kuxkuxtu txaranga aritu zen.
Publicidad
Publicidad
Te puede interesar
Publicidad
Publicidad
Reporta un error en esta noticia
Comentar es una ventaja exclusiva para suscriptores
¿Ya eres suscriptor?
Inicia sesiónNecesitas ser suscriptor para poder votar.