'Txantxagorri' aisialdi taldekoek gaur egingo dute txupinazoa

Apar festa izango dute gaur goizean txupinazoaren ondoren. / GORRITIBEREA
Apar festa izango dute gaur goizean txupinazoaren ondoren. / GORRITIBEREA

Apar festa izango dute ikastolako patioan eta buruhandiak

GORRITIBEREA MUTRIKU.

Urteko zita izaten da Txantxangorri aisialdi taldekoek San Fermin egunez burutzen duten entzierroa, baina aurten larunbatean datorrenez gero, eta beraien ekintzak astelehenetik ostiralera burutzen dituztenez, txupinazoa ospatuko dute.

Zita, ohi bezala goizeko 10:00etan izango dute 'Alboka' ondoan. 10:15etan txupinazoa izango dute eta ondoren guztiak kalejiran joango dira Goizeko Izarra ikastolako patiora.

Bidea alaitze aldera, helduenek batukada burutuko dute eta patiora iritsi bezain laster, buruhandiak izango dituzte lehenik eta ondoren 11:30etatik 13:00etara apar festa antolatuko dute. Txikienek berriz eguerdiko 12:00etan bukatuko dute festa.

Gogoratu, 'Txantxangorri' aisialdi taldeak udarako antolatutako ekimenean 260 ume dihardutela aurten eta guztiak egunez egun behar bezala antolatzeko 36 monitore ari direla lanean.

Zinea zabaleran

Udako giroa nabari jada bazter guztietan, eta horren lekuko gaur gaueko 22:30etan Zabaleran izango den zine emanaldia. 'Little Miss Sunshine' filma izango da proiektatuko dena, Estatu Batuetan burututako komedia dramatikoa, eta emanaldia berriz 'EMA' elkartean antolatu du.

Temas

Mutriku

Contenido Patrocinado

Fotos

Vídeos