Mutriku

XXXVIII. Mendizale helduen ibilaldia igandean egingo dute

Mutrikuko Burumendi mendizale elkarteak Udalaren eta Gipuzkoako Mendizale Federakundearen laguntzarekin antolatuta, XXXVIII. Mendizale helduen ibilaldia egingo dute datorren igandean.

Ekitaldia 08:30ean jarriko da martxan Txurruka plazatik eta parte hartzera animatzen direnek 17 kilometroko mendi ibilaldia egingo dute Mutrikuko udalerriko mendietan zehar.

Aurrez izena emateko epea itxita dago jada baina igandean bertan izena emateko aukera egongo da (egun horretan 10 euro ordaindu beharko da).