Mutriku

Mijoa auzoak bihartik astelehenera arte ospatuko ditu San Jeronimo jaiak

Mutrikuko Mijoa auzoko bizilagunek San Jeronimo festak ospatuko dituzte bihartik datorren astelehenera arte.

Festak abiatzeko herri kirolen jaialdia izango da larunbat honetan (18:00etan). Aurtengoan, herritarrek hain modan dagoen Crossfit-eko desafio batekin disfrutatzeko aukera izango dute. Horren ondoren (21:00etan) Itzal taldearekin erromeria egongo da.

Iganderako prestatutako egitaraua 11:00etan jarriko dute abian, umeentzako mahai-joko dinamikoekin eta kart zirkuito batekin, hain zuzen ere.

Ordubete beranduago, berriz, auzoko haur eta gazteen arteko herri kirolak izango dira Mijoan; eta horiek amaitzerakoan, auzotarren bazkaria.

Aurtengo San Jeronimo festen azken jardunaldia astelehenekoa izango da. Egun horretan meza (12:00etan) eta herri kirolak egongo dira.

Zesta puntako emakumezkoen elite txapelketako bigarren jardunaldia gaur jokatuko da, 19:30etan hasita, Miruaitzen.

Aurreneko partidan Gogenola-Aldazabal eta Mugartegi - Watkins bikoteak izango dira aurrez aurre; eta bigarrenean Ortiz de Mendivil-Lejardi eta Merino-Otaño bikoteak.