Musika eta bertsoen arteko fusioa Alamedako karpan

Amets Arzalluz Lasturko jaietan. /  ANDER SALEGI
Amets Arzalluz Lasturko jaietan. / ANDER SALEGI

Debako Musika Banda Amets Arzallus eta Andoni Egaña bertsolariekin elkarlanean arituko dira

A. S. DEBA.

Debako Musika Bandak ez du udako kontzertu berezirik eskaini azken urte hauetan, baina aurten, zerbait egiteko asmoz, estiloz aldatu eta elkarlanean sortutako emanaldi bat eskainiko dute. 'Bertsoband' izena du emanaldiak, eta bertan, bertsolaritza eta musika uztartuko dira bi bertsolari ospetsuen eskutik. Kontzertu berezi hau bihar eskainiko dute 20:00tan alamedan.

Gaur egun, bertsolaritza munduan oso ezagun eta ospe handiko diren Andoni Egaña eta Amets Arzallus izango dira gonbidatuak, eta gai jartzaile lanetan Amaia Agirre arituko da. Bost doinu ezberdinen moldaketetatik abiatuz, bertsolariek Amaia Agirrek ezarritako gai ezberdinen inguruan inprobisatu beharko dute. Alde batetik, bertsolari bakoi-tzak bakarkako lana burutuko du 'Elizan sartu ziradenian' eta 'Redemption song' doinuekin, eta bestetik, 'Agur Adixkidia', 'Oso polita zara izatez' eta 'Ihes betea zilegi balitz' doinuekin bi bertsolariak elkarlanean ikusteko aukera egongo da.

Kontzertu berezia izanik, eta gonbidatuen maila ikusita, Debako Musika Bandak herriko zein kanpoko edonori bertara hurbiltzeko gonbidapena egiten die, eta emanaldiaz goza dezaten espero du.

Iturri Ondoan

Gaur 22:00etan plaza zaharrean jarraipena emango zaio Iturri Ondoan programari eta 'Andante' saioa egongo da ikusgai.

Contenido Patrocinado

Fotos

Vídeos