Korrika Txikia arratsaldean eta Korrika nagusia goizaldean

Korrika Txikiak poza adierazten du alderdi guztietatik. /  GORRITIBEREA
Korrika Txikiak poza adierazten du alderdi guztietatik. / GORRITIBEREA

Arratsaldeko saioa txokolatada batekin bukatuko dute haurrek

GORRITIBEREA MUTRIKU.

Korrikaren etorrerak erabat astinduko du gaur arratsaldea eta bihar goizeko lehen orduak. Hasteko gaur arratsaldeko 15:30etan, Goizeko Izarra ikastolatik abiatu eta San Migel ikastetxekoekin batu ondoren, haur guztiek Korrika Txikia ospatuko dute Txurruka plazaraino. Ekitaldiaren ondoren, guztiak eskaileretan jarriko dira argazkirako eta segidan Zabiel plazara joango dira txokolatada dasta-tzeko.

Eguraldi txarra egingo balu Merkatu Plazara eramango litzateke dastaketa. Korrika nagusia, berriz, bihar goizeko 5:41ean sartuko da Katetxetik, 5:47an Dia aurrean izango da, 5:54an Etxerreko errotondan, 6:00etan Txalaparta aurrean, 6:07an Entzus baserriaren parean, 6.13an Maixa baserriko bidegurutzean, 6:20an Galbaixo gainean, 6,27an Olabarrietan eta 6:33ak aldera eskuratuko zaie testigua debarrei Astigarribia bidean.

Baina euskararen aldeko lasterketa azkarrak beste ekimen batzuk ere utziko ditu, izan ere bihar arratsaldeko 18:30etan, Gaztetxean, Euskaldunberrien mahai-ingurua izango baita. Parte hartuko dutenak hauetxek; Alina Ivan Errumaniarra, Tristan Crowley irlandarra eta Dylan Inglis ingelesa. Hiruek ere lotura handia dute Mutrikurekin, izan ere batzuk bertan bizi dira eta beste batzuk berriz egonaldi luzeak egiten dituzte herrian, ondorioz eta beraien konpromisoari esker euskara era arrunt batean ikasi dutelarik.