Julen Irionado eta Iker Izagirre pilotariak, Gipuzkoako txapeldun

Bikote txapelduna. / A.Z.
Bikote txapelduna. / A.Z.

AMAGOIA ZABALA MENDARO.

Mendaroko Pelota eskolak hiru denboraldi besterik ez daramatza martxan, baina jaio berria izan arren, emaitza oso onak lortzen ari da. Gizpuzkoako alebin mailako errendimenduko bikotezko txapelketan, Julen Iriondo (Elgoibar) eta Iker Izagirrek Gipuzkoako txapeldun izatea lortu zuten.

Pelota eskola 15 gaztetxok osatzen dute. Irailean 13 ziren eta otsailean beste bik eman zuten izena. Gaztetxoekin batera, guraso eta bolondresek osatzen dute lan taldea. Inazio Animarte eta Aitzart gazte aritzen dira entrenatzaile lanetan, eta guztiek beraien denbora librea eta gogoa jartzen dute proiektu honetan. Eta dagoeneko hasi dira fruituak jasotzen.

Larunbatero, eskolarteko txapelketako partidak ikusteko aukera izan dugu herrian eta ostiral gauetan, errendimentuko partidak. Hauek bukatu ostean, Udaberriko Txapelketan parte hartzeko izena eman dute hainbat pilotarik. Beraz, hainbat partida ikusteko aukera izango da herrian.

Mendaron esku pilotak geroz eta indar gehiago du eta arrunta da haurrak forontoian, pilotan jolasten ikustea. Eskolak bultzada handia eman dio kirol honi.