Hiru jaialdi asteburuan Miruaitzen

MUTRIKU.

Miruaitzen hiru jaialdi desberdin izango dira asteburuan. Lehena gaur, 19:00etan, Euskal Liga barruan, Mutriku-Gernika jokatuko da. Mutrikuko ordezkatuko dutenak Zuhaitz Arrillaga eta Aratz Mendizabal izango dira. Ondoren Zumaia-Markina jokatuko da. Udaberri txapelketaren barruan berriz Aitor Manzisidor eta Aitor Andonegi, Yon Iparragirre eta Xabier Arrizabalagaren aurka neurtuko dira, eta azkenik palako Udaberri txapelketan Danok Bat eta Pagazpe klubeko ordezkariak neurtuko dira. Bihar, 16:30ean, Gipuzkoako txapelketaren barruan: Ekhi-Oinatz/Hondarribia 1; Aiert-Aimar/Hondarribia 2; Unax-Haritz/Beotibar; Eñaut-Eneritz/Hondarribia eta azkenik Amets-Manex/Zumaia 4. Igandean 11:00etan Udaberri txapelketakoak izango dira.