Hainbat ekintza antolatu dira emakumeen aurkako indarkeriaren nazioarteko egunaren inguruan

Hurrengo larunbatean ospatuko da Emakumeenganako Indarkeriaren Aurkako Nazioarteko Eguna, eta horren inguruan hainbat ekintza antolatu dira elkarlanean, besteak beste Udala, Ema, Kale hezitzaileak, 'Zubixa Libre' kolektiboa, Zine Forum taldea, Emakume palistak, Emakume Raketisten taldea eta Danok Bat pilota elkarteak antolatuta. Lehen ekintza atzo burutu zen Zabielen, bertan 'Emakume Raketisten erakusketa' ireki baizen. Hainbat paneletan zehar modalitate honek izan zuen ospea jasotzen da oroimen historiakoari tokia eginik. Egin kontu Mutrikun raketak ere eraikitzen zirela, zesta puntakoak egiten diren bezalaxe. Panel horietako batean jasotako datuen arauera; 1.943. urtean, 100 lagun eskuz ari ziren, beste 100 erremontean, 200 palan, 275 zesta puntan, 725 raketistak ziren eta 50 beste modalitatea batzuk erabiltzen zituzten. Erakusketa ikusgai izango da astelehenetik ostiralera 17:00etatik 19:00etara eta larunbata eta igandean, 12:00etatik 14:00etara. Aipatu gainera erakusketaren ardura Mutrikuko Arraun Taldekoak hartu dutela, era horretan klubarentzat sarrera ekonomikoa txiki bat izango dutelarik. Egitarauarekin jarraituz, gaur arratsaldez, Hezkide-tza tailerra eskainiko dute Kale hezi-tzaileak San Agustin kalean kokatua dagoen EMA gunean.