Garbigune mugikorra egongo da Alamedan

A.E.ONDARROA.

Ondarroako Udalaren eskariz eta Bizkaiko Foru Aldundiaren bitartez Garbigune mugikorra barikura arte (uztailak 26) egongo da 24 orduz. Garbigune Mugikorraren helburua ohiko garbiguneetara joateko aukera emateaz gain herrian bertan garbigunearen zerbitzua ematea da.

Edukiontzira bota beharreko material mota bakoitzak bere sarbidea dauka. Garbigune mugikorra ez da tresna handiak uzteko, beraz, edukiontzian sartu ezin daitekeen hondakinik Alamedara ez eramatea eskatzen du udalak.

Garbigune mugikorrera jarraian dauden hondakinak bota daitezkela gogorarazten dute: etxetresna txikiak, sukaldeko tresneria, etxeko olioa itxitako ontzietan, sakelako telefonoak, kableak, margoak eta disolbatzaileak, aerosolak, kutsatutako xurgatzaileak, tonerrak, tintazko kartutxoak, metalezko kapsulak, plastikozko kapsulak, pilak, CDak, DVDak, kaseteak eta baita ere erradiografiak.