Elgoibar

Santa Agedako koplak herri osoan zehar entzun ziren atzo

Santa Ageda bezpera izanik, Elgoibarrek ohitura zaharrari eutsi zion atzokoan eta koplak herrian zehar entzun ahal izan ziren jardunaldi osoan. Goizean Ikastolako neska-mutil guztiak aritu ziren kantuan eta eskean herriguneko kale eta auzoetan zehar eta arratsaldean Elgoibarko Izarra elkarteko koruak izan ziren koplak kantari Sallobente-Ermuaran eta Aiastia (San Migel) nekazal auzoetako baserrietan. Ezkerreko argazkian Ikastolako umeak Antzarsoro kalearen hasieran kantuan; eta eskuinekoan, Elgoibarko Izarra elkarteko koruetako bat Sallobenteko Aranzabal baserriaren atarian.