Elgoibar

Plazara salto egitera ausartu ziren emakume pandero-joleak omendu ditu herriak

Maurizia Aldeiturriaga (Zeberio 1904 - Artea 1988) Euskal Herriko emakume trikitilari ospetsuena bada ere, Elgoibarrek ere baditu bere 'Mauriziak'; gizonezkoek okupatzen zuten plazara salto egitera ausartu ziren emakume pandero-joleak. Elgoibarren bila aritu ondoren ondokoak topatu dituzte: Pantxika Zubizarreta Gurrutxaga (1888-1964), Juliana Esnaola Arakistain (1892-1974), Martzelina Zubizarreta Gurrutxaga (1892-1991) eta Juliana Zubizarreta Gurrutxaga (1910-2006). Haiek omentzeko 'Gure Mauriziak' ekitaldia eskaini zuten asteartean Herriko Antzokian (eskuineko argazkian). Omenaldiaren aurretik, belaunaldi ezberdineko emakume trikitilarien kalejira (ezkerrean) izan zen herriguneko kaleetan zehar.