Elgoibar

Pilota Eskolako umeen partidak izango dira gaur Kalegoen plazan

Lagunak Pilota Eskolak ostiral honetan emango dio amaiera ikasturteari, Kalegoen plazako frontoian ospatuko duen Pilota Egunarekin.

Ohitura denez, jardunaldi honetan 9 eta 11 urte bitarteko pilotari gazteen partidak izango dira. Hauek 18:00etan hasiko dira eta guztira 66 haur arituko dira lehian (denek jasoko dute oroigarria).

Gainera, Baltasar elkarteko kideek txorizo egosia banatuko dute plazara bertaratzen diren guztien artean eta Otero pilotagileak pilotak saltzeko postua ipiniko du bertan.