Elgoibar

Kattalin Miner eta Aner Peritzen arteko berbaldia dago gaur kultur etxeko sotoan

Udalak eta Elgoibarko Izarra, Elgoibar LGTBIK+ eta Narrutsik elkarteek elkarlanean antolatuta, Kattalin Miner kazetari eta idazlearen eta Aner Peritz bertsolariaren arteko berbaldia izango da gaur (18:00etan) kultur etxeko sotoan.

Solasaldia 'Arrakala!' izenburupean egingo da eta bertan Minerrek eta Peritzek gaur egun borborrean dauden gaiez hitz egingo dute; euskara, feminismoa eta LGTBI+ borroka ardatz harturik. Antolatzaileek aurreratu dutenez, gaurko gonbidatuek «hiru borroka horien inguruan dituzten ikuspegiak azalduko dituzte, eta haien arteko harremanak eta desberdintasunak aletuko dituzte».

Ekitaldia bukatu ostean, mokadutxoa eskainiko da.