Elgoibar

Giro ona San Isidro eguneko ospakizunean

Elgoibartarrek, eta bereziki, herriko nekazal auzoetako bizilagunek, San Isidro eguna ospatu zuten atzo giro onean. Jardunaldiari hasiera emateko meza izan zen San Bartolome parrokian. Bertan, Joseba Gonzalez parrokoak baserritarrek beti erakutsi duten eta neurri batean egungo gizartean galtzear dauden «pazientzia eta lana» nabarmendu zituen. Elizkizuna amaituta, herritarrak udaletxeko arkupetara gerturatu ziren, Udalak prestatutako mokadutxoaz gozatzeko: salda, txorizo egosia, Mausitxako gazta, Armaxioren ogia edota Lizagasarreko sagardoa dastatu ahal izan zituzten.