Elgoibar

Giro ezin hobea eta ekintza ugari XXV. Pilota Egunean

Kalegoen plazak Elgoibar Ikastolak antolatzen duen Pilota Egunaren XXV. edizioa hartu zuen joan den larunbatean. 2025eko Kilometroak jaia herrian egingo dela eta, aurtengo Pilota Eguna berezia izan zen. Izan ere, goizean zehar umeentzako eta familientzako jolasak, pilotak egiteko tailerrak edota pilotarekin zerikusia duen materiala zozkatzeko tonbola izan ziren Kalegoengo frontoian. Nola ez, Pilota Egunean ohikoak diren pilota finalak ere jokatu zituzten Ikastolako ikasleek, eta amaieran helduentzako barru saioa izan zen. Jardunaldia giro ezin hobean igaro zen.