Elgoibar

Elgetako Ion Aransolo garaile Idotorben

Aste Santuko etenaldiaren ostean, Gipuzkoako Hiru Txirlo bola joku txapelketaren seigarren jardunaldia hartu zuen Idotorbe auzoko bolatokiak joan den larunbatean. Irabazlea Elgeta taldeko Ion Aransolo izan zen, 8 txirlo botata (argazkian bolarekin). Elgoibarko San Migel taldeko bolariek oso maila ona erakutsi zuten herriko tiraldian. Izan ere, Xabier Arrizabalagak hirugarren postua lortu zuen sei txirlo botata; eta Jabier Osorok bosgarren amaitu zuen, bost txirlo botata.