Elgoibar

'Azken galdera amari' ipuin kontaketa izango da gaur udaletxeko udalbatza-aretoan

Mendaroko Udalak eta Arno guraso elkarteak antolatuta, 'Azken galdera amari' ipuin-kontaketa saioa izango da gaur (17:30ean) udaletxeko udalbatza-aretoan.

Ipuin kontalaria Manex Beristain azpeitiarra izango da. Bikotekidea hil zitzaion Beristaini eta ordutik hitza izan du dolua pasatzeko ihesbide.

Gainera, Beristainek 'Azken galdera amari' ipuin ilustratua kaleratu zuen, Mirari Sagarzazu marrazkilariarekin batera. Eta bertan jasotako istorioa kontatuko du ostegun honetan Mendaron.

Bestalde, Manex Beristain hilaren 15ean itzuliko da Mendarora. Egun horretan, 'Heriotzaren pedagogia familian' izeneko tailerra emango du Manex Beristainek, 6 urtetik gorako haurrentzat eta haien gurasoentzat. Tailerra udaletxean egingo da, 17:30ean.