Elgoibar

150 zuhaitz landatuz abiatu dute 'Gure natura ezagutzen' ekimena

Morkaiko mendizale elkarteak, Atxutxiamaika aisialdi taldeak eta Elgoibarko Baso Biziak elkarteak joan den igandean eman zioten hasiera 2025erako elkarlanean antolatu duten 'Gure natura ezagutzen' egitasmoari. Aurreneko ekintza herriko hamar bat familietako kideen partaidetzarekin burutu zen zuhaitz landaketa bat izan zen. Bildutakoek bertako espezietako 150 zuhaitz-landare landatu zituzten Muskiritzuko magalean dagoen lursail batean. Hurrengo hitzordua hilaren 30ean izango da. Egun horretan geologia eta marearteko fauna ezagutzeko Zumaiara irteera egingo dute.