'Txiokatu zure tesia 6 mezutan' lehiaketa UEUren eskutik

Udako Euskal Unibertsitateak sustatzen duen Unibertsitatea.net atariak 'Txiokatu zure tesia 6 mezutan' lehiaketa antolatu du. Euskal ikertzaile gazteei zuzenduta dago ekimena eta bertan Twitterreko sei mezutan bere tesia laburbildu behar dute.

Lehiaketa azaroaren 20an ospatuko da eta bi sari daude, 'txiolari ulergarrienak' 500 euro irabaziko ditu eta 'txiolari originalenak' 300 euro. Helburua euskal ikertzaileen lanak gizarteratzea da, eta aurreko hiru edizioetan 160 ikertzailetik gora parte hartu dute erronkan.