Herri-bazkaria igandean, Euskaraldia ospatzeko

F. M. EIBAR.

Euskaraldiak bere azken egunei aurre egiten dien bitartean, herri bazkaria antolatu du Eibarren Akebai plataformak igande honetan, 14.30ean Un- tzagako karpan. Tiketak salgai daude Guridi eta Kultun, 10 eurotan (7 euro umeentzat). Jai giroan ospatu nahi da Euskaraldiaren azken egunaren bezpera eta horregatik jarraian, 16.30ak aldera, erromeria egongo da karpan Iratzar taldearekin dantza egiteko.

Euskaraldiaren egunak abenduaren 3an bukatuko dira, Euskararen nazioarteko Egunean hain zuzen ere. Hamaika egun hauek bukatzeko 'Hau hasiera besterik ez da' leloa zabaldu dute Eibarko antolatzaileek. Astelehenean arratsaldeko 19.00etan horma-irudia osatuko da Untzagan, eta jende guztia animatzen da bere esperientziak plazaratzera.

 

Fotos

Vídeos