'Harixa emoten' abian jarriko da gaur Karlos Linazasororekin

Ikasturtea hasi da arlo askotan eta 'Idazlearekin harixa emoten' irakurketa kluba ere abian jarri da. Gaur bertan egingo du bere lehen bilera, interesa duten irakurle guztiei irekia. Portalea kultur etxeko lehen solairuko 3. batzartokian izango da arratsaldeko 19.00etan hasita. Gaurko gonbidatua Karlos Linazasoro idazlea izango da eta aztertuko den liburua '6012' izenburuko nobela da.

Aurreko ikasturtean bezala Antxon Narbaizak saioa gidatzeko ardura hartuko du. Idazlea bertan edukitzeak aukera ematen du zuzenean liburuaren buruzko galderak egiteko, eta egilearen ideiak ezagutzeko.