Deba

Zehaztu dira Debabarrenean nekazaritza ibilgailuen azterketa teknikoak egiteko datak

Nekazaritza ibilgailuei azterketa teknikoak egiten dizkieten unitate ibiltariak Debabarreneko herrietan ibiliko dira datozen asteetan eta dagoeneko zehaztu dute egutegia. Lehenengo hitzorduak apirilaren 2an izango dira. Goizeko 9:00etan Matxaria parking-ean izango da unitate ibiltaria, Eibarren. 12:00etan, berriz, Mendaron, Lili parean; eta egun berean 13:30ean Soraluzen, Ezozian.

Apirilaren 4ean Elgoibarren izango da azterketa pasatzeko aukera, Mintxetako aparkalekuan, goizeko 9:00etatik aurrera. Azken bi hitzorduak maiatzean izango dira. 8an Itziarko industrialdean eta 9an Mutriku, Mijoa industrialdean. Bi kasuetan, goizeko 9:00etarako joango da unitate ibiltaria.

Azterketara eraman beharreko dokumentazioa hauxe da: zirkulazio-baimena, azterketa teknikoaren txartela eta aseguruaren ordainagiria.