Deba

Itziarko Entitate Txikiak 2025erako aurrekontua berretsiko du gaurko bilkuran

Itziarko Tokiko Entitate Txikiak hileroko ohiko osoko bilkura ospatuko du gaur (18:00etan) Apaizetxeko eraikineko batzar aretoan.

Bilera honetan Itziarko ordezkariek gai garrantzitsuak jorratuko dituzte. Horien artean ondorengoak nabarmendu daitezke: 2025eko Itziarko aurrekontuak berrestea eta Auzo Udalaren hamargarren urteurrena ospatzeko antolatutako ekitaldien egitarauaren onarpena.

Era berean, otsaileko osoko bilkuran Burugorri ostatua ustiatzeko esleipenaren berri emango da (Miren Arruti Orbeak kudeatuko du); martxoaren 8ko adierazpen instituzionala onartuko da eta Andutz mendia, natura eremua eta korridore basoak emendatzeko eta hobetzeko ekimenak bideratzeko 2022an kobratutako diru-laguntza (46.331 eurok, interesak barne) bueltatu beharraren berri emango da.

Herritar guztiek dute bilkuran parte hartzeko aukera.