Bihar Mutrikuko Rugby Taldekoen ate irekiak eta lehen entrenamendua

Errugbiak ere garapen handia eduki du Mutrikuko kirol aktibitateen esparruan. / GORRITIBEREA
Errugbiak ere garapen handia eduki du Mutrikuko kirol aktibitateen esparruan. / GORRITIBEREA

2011 urtean jaiotakoak barne parte har dezakete

GORRITIBEREAMUTRIKU.

Mutriku Rugby Taldekoek 2019-2020 denboraldian errugbia probatu edo eta jolastu nahi duten neska-mutilei aukera eman nahi diete, horretarako bihar ostegunez Ate Irekien saioa antolatu dute San Migel zelaian. 2008, 2009, 2010 eta 2011. urteetan jaiotakoek, bi entrenamendu saio izango dituzte; astearteetan 19:00etatik 20:00etara kiroldegian eta ostegunetan 17:00etatik 18:30era San Migel zelaian. Ostegunekoa izango da entranamendu nagusia eta asteartekoa gehigarria. 2004, 2005, 2006 eta 2007 urteetan jaiotakoak berriz asteartean izango dute entrenamendua kiroldegian, eta zelaian berriz asteazkenetan 16:30etik 17:45era eta ostegunetan 17:00etatik 18:30etara. Beste kirol mota bat probatzeko gonbiteaz baliatu nahi dutenek, mutrikurugby@gmail.com helbide elektronikora idaztea nahikoa dute edo eta bihar arratsaldeko 17:00ak aldera San Migelera azaltzea.