Urretxu

Igandean Sareren 'Puzzlea osatu arte!' ekimenarekin bat egiteko deialdia

Urretxu eta Zumarragako bizilagunei Sarek antolaturiko 'Puzzlea osatu arte!' ekimenarekin bat egitera gonbidatzen dituzte falta diren presoei lege arrunta aplikatu eta etxerako bidea egin dezaten aldarrikatzeko helburuarekin.

Igandean ekitaldia egingo dute Areizaga-Kalebarren plazan. Arratsaldeko 17:00etan hasiko da, 'Puzzlea osatu arte!' ekimenari harrera eginez. Jarraian 'herri argazkia' aterako dute bertaratutakoek eta amaitzeko, txokolatada eta Olaia eta Garazi DJekin dantza saioa egongo dira.