«Euskaraz blai, gaur eta bihar ere bai»

Urretxun. Gernikako Arbola plazan bildu ziren eta komunikatu bat irakurri zuten udaletxeko balkoitik. /  AYERBE
Urretxun. Gernikako Arbola plazan bildu ziren eta komunikatu bat irakurri zuten udaletxeko balkoitik. / AYERBE

FCO. JAVIER AGUADO GOÑI URRETXU.

Atzo, hilaren 3a, Euskararen Nazioarteko Eguna aldarrika- tzeko, Gainzuri ikastetxean egun osoan zehar ekitaldi desberdinak egin ziren. Eguna hastearekin batera, geletan girotze lana egin zen. Euskararekiko konpromisoa isladatuz, ikasle bakoitzak bere esaldi edo hitza idatzi eta eskolako sarrerako horma-irudian itsatsi zuten.

Ondoren, eskola osoa kalejiran kalera irten zen. Bi udaletan, eskolako gurasoa den Iker Antxiak, Euskararen inguruko Lorea Agirreren hitzak irakurri zituen, euskalduna izateaz baina haratago doan mezua, 'Kontua ekitea da!'.

Ekitaldi honetan dihardu Gainzuri eskolak urte guztian zehar. Euskarari gure hitzen hegoak eskaintzeko, ahotik belarrira, burutik burura hegalda dadin, samur bezain indartsu. Arratsaldean, irakasleek ikasleei 'Tartalo' antzerkia an-tzeztu zieten eta lehen hezkuntzako ikasleek euskal karaokearekin kantuan borobildu zuten jardunaldia. Gurasoek ere eskola komunitatean duten lekua eta prestutasuna erakutsiz, egunari bukaera emateko sokatira erraldoia, dantza eta merienda prestatu zituzten. Honela igaro zuten eguna, elkarrekin, elkarri euskara eskainiz, euskara bizi indarrez sendoagotuz, prest, egunero delako euskararen eguna.

La Salle ere bai

La Salle Zumarragan ere ospatu zuten eguna. «Haur eskolatik bigarren hezkuntzara, lehen hezkuntzatik pasatzen den-denok euskararen egunean murgilduta gaude. Gure artistek dantza praktikatu, bertsoa sortu eta musikatu, ponpoiak egin eta gure hizkuntza maitatuari buruzko gogoetak egin dituzte, gure energia eta gogo guztiak euskararen egunean jarriz. Dena dela, euskararen eguna urteko egun guztietan dela eta izan behar dela oso argi izanda, lanean dihardugu. La Salle euskaraz!», esan zuten arduradunek.

 

Fotos

Vídeos