Udal hauteskundeei begira, eskaria egin diote Foru Aldundiari

Udalbatza. Gai desberdinak jorratu zituzten azken bilkuran. /  GALILEA
Udalbatza. Gai desberdinak jorratu zituzten azken bilkuran. / GALILEA

Hauteskundeetan errolda bakarra joango balitz, egungo egoera mantentzea eskatzen dute Ezkioko Udaletik

MIRYAM GALILEA EZKIO.

Ostegun arratsaldean ospatu zuten Ezkion azken ohiko udal osoko bilkura gai ezberdinekin, hauen artean eta hurrengo urteko udal hauteskundeetan suertatu daiteken egoera aurreikusiz, Gipuzkoako Foru Aldundiari luzatutako eskaria aho batez onartu zutelarik.

Azken osoko bilkuraren aktaren onarpena egin ondoren, azken ohiko udal osoko bilkuratik aurrera alkatetzak eman dituen Dekretuen berri eman zuten ere, bi gai hauek aho batez onartu zirelarik. Gai zerrendako hirugarren puntu gisa, 2019ko Udal hauteskunde ondoren, Gipuzkoako Foru Aldundiak abenduaren 20ko 27/2016Foru Dekretuko Itsasoko Batzorde Kudeatzailea mantentzeko eskaera onartzeko proposamena luzatu zuten.

Desanexioaren prozesua hasi zenetik gaur egunarte emandako pausoak zerrendatu zituen Martin Iparragirre idazkariak, Gipuzkoako Foru Aldundira bidali beharreko dokumentuan azaltzen ziren moduan. Eta hurrengo hauteskundeei begira gertatu daiteken egoera aurrez ikusiz, Aldundiari egiten zaion eskaria azaldu zuen.

Gaur egungo egoerari dagokionez, «alde batetik estatuko gobernuak Itsaso udalerri legez toki erakundetako erregistroan erregistratzea ukatu zuen 2017ko otsailaren 28ko ebazpen baten bidez, bai Foru Aldundiak eta baita Itsasok ere Madrileko Auzitegi Nagusiaren aurrean epai helegiteak tartekatu zituzten. Foru Aldundiarena 2018ko uztailaren 9an ebatzia izan zen inskribapenaren ukatzea berretsiz. Gaur egun Foru Aldundiak Auzitegi Gorenaren aurrean dauka epaile hau. Bestetik, Itsasoren helegitea oraindik ebatzi gabe dago Madrileko auzitegi nagusian», azaldu zuen Iparragirrek.

Bestetik, «Itsaso udalerri legez sortu zuen Gipuzkoako Foru Aldundiaren 27/2016 abenduak 20ko Foru Dekretua estatu abokatuak Euskal Erkidegoko Auzitegi Gorenaren aurrean inpugnatu zuen. Auzitegi honek helegitea atzera bota eta 27/2016 Foru Dekretua berretsi eta onetsi zuen 2017ko abenduak 29ko epailearen bidez, egun guztiz indarrean dagoelarik. Hala ere, honen ebazpena urte batzuetara luzatuko da seguruenik», Martin Iparragirre idazkariak.

Hau dena ikusita 2019ko udal-hauteskundeei begira azkenean hautesle errolda bakarra egongo balitz, hauteskundeak Ezkio-Itsaso bezala egin beharko liratekela kontutan hartuz, Gipuzkoako Foru Aldundira eskaera bat luzatzea erabaki dute bi udalek, ostegunean Ezkiok bere aldetik aho batez onartu zuelarik. Horrela, behi behineko egoera hau mantentzen den bitartean Gipuzkoako Foru Aldundiaren konpromezua abenduaren 20ko 27/2016 Foru Dekretuko zazpigarren ataleko Batzorde Kudeatzailea bere ezaugarri guztiekin mantentzeko eskaria luzatzen da aurkeztutako dokumentu honetan.

«Gaur egungo egoera zoritxarrez mantenduko balitz, egindako banaketa juridikoki estatu mailan aurrera joango ez balitz, eta azken batean errolda bakarra izango balitz, gutxienez hurrengo legealdian gaur egungo egoera mantentzeko eskaria luzatu diogu bi udalek Diputazioari», esan zuen Ezkioko alkatea den Jose Ignacio Etxezarretak. Eskaria luzatzearen dokumentua aho batez onartu ondoren hurrengo gaiari heldu zioten. Udal Osoko Bilkurarekin smaitzeko, bi adierazpen onartu zituzten, alde batetik abenduaren 3an ospatuko den Euskararen Nazioarteko Egunekoa; eta bestetik, Emakumeenganako Indarkeriaren Aurkako Nazioarteko Egunaren ingurukoa.

 

Fotos

Vídeos