Pausoz pauso gogoz haziz

Pilota Eskola. Herriko hamalau haur eta gaztek parte hartzen dute. / GALILEA
Pilota Eskola. Herriko hamalau haur eta gaztek parte hartzen dute. / GALILEA

Hazkundea, parte hartzea eta bizitasuna izan dira aurten nabarmen, herri bizi bat delaren arrazoi

MIRYAM GALILEA EZKIO.

Herriaren etorkizunaren bizkarrezurra eskola izanik, bestelako eginkizunek ere herri bizi eta hazkor bat dela gogoratzen dute ezkioarrek eta aurten azpimarra-tzekoa da hau, 2018. urtean zehar aurrera eraman diren eginkizun, ekintza eta herriko talde desberdinen lanari esker.

Umeen udalekuak, Igartubeiti Baserri Museoak antolatzen dituen haur eta familientzako tailerrak, Ganbara Guraso elkarteak ospatzen dituen jai, festa eta bestelako ekin-tzak; EzkiOn Martxan klubak herria ezagutu eta kirola bultzatzeko egindakoak; haurreskola; Herri Eskolak egin dituen ospakizunak; liburutegitik sustatutako ekintzak; Yartu Kultura elkartea; eratu berri den Herriko Pilota Eskola... ugariak dira egindakoak eta ziur baten bat esan gabe uzten dudala, baina honen guztiaren emaitza oso argia da: Ezkio herri bizia da eta poliki poliki eta bidea zein den argi izanda, aurrera doaz elkarrekin haziz.

Herria hazitzen

Eta hazkunde hau herri mailan ere nabaria da, momentu honetan herriko ostatu guztiak martxan daude, Mediku Etxearen proiektua abian da eta bestelako aldaketa eta berrikuntzak planteatzen direlarik herria hobetu eta indartzeko.

Argi dago ez dela erraza eta guztion parte hartzea garrantzitsua dela baina aurrera egiteko indarra eta gogoa ez da falta Ezkion eta datorren 2019a aurreko urtea bezain oparoa izan dadila espero da. Urte berri on guztiei!