Nutrizio tailer praktikoa, gaur arratsaldean Zelai Ondon

'Osteoporosia prebenitzeko giltzurrunen eta hezurren arteko lotura ulertu' izenburuko tailerra aurrera eramango da gaur arratsaldean Alegia auzoan.

Osasunaren gaia abiapuntu hartuta eta adituak diren Garbiñe Etxaniz eta Eluska Gonzalez-ekin, honako gai hau ezagutzeko aukera izango dute herritarrek: osteoporosiaren prebentzioa nola egin, eta hezurren osasunarekin lotuta giltzurrunen garrantzia ere aztertuko da.

Gaur arratsaldean emango diren gomendio eta azalpen teorikoz gain, giltzurrun eta hezurrak indartzeko baliotsuak diren elikagaiekin egindako dastaketa ere izango da.

Tailerra arratsaldeko 18:00etan hasiko da eta bi orduko iraupena izango du gutxi gorabehera, Itsasoko Alegia auzoko Zelai Ondo elkartean aurrera eramango delarik.