Marbling teknika ezagutzeko aukera zabaltzen du Igartubeitik

Tailerra. Larunbatekoa, 4-12 urte bitarteko haurrentzat eta bere familientzat izango da. / IGARTUBEITI
Tailerra. Larunbatekoa, 4-12 urte bitarteko haurrentzat eta bere familientzat izango da. / IGARTUBEITI

Tailerra larunbat arratsaldean egingo da, eta 4-12 urte bitarteko haurrei eta euren familiei zuzendu

MIRYAM GALILEA EZKIO.

Hilabetero haur eta familientzako tailer desberdinak eskain-tzen ditu Igartubeiti Baserri Museoak eta urte berria hastearekin batera tailer eskaintza berria eta ani-tza zabaldu du berriro ere, lehenengo ekintza asteburu honetan aurrera eramango delarik.

'Marbling: uretan margotzen' delako tailerra izango dugu larunbatean, 4 eta 12 urte bitarteko haurrek eta bere familiek parte hartzeko aukera izango dutelarik. Sorkuntza lantegi honetan «Marbling teknika dibertigarriaren bitartez eta olio pintura erabiliz, sormen lanak egingo ditugu uraren gainean», azaltzen dute Igartubeitiko arduradunek.

Tailerra arratsaldeko 16:30etik 18:30era aurrera eramango da museoko Interpretazio Zentroan eta 3 euroko prezioa izango du, beti ere Famili Txartelarekin diskontuak egongo direlarik.

Tailerrean parte hartzeko aldez aurretik izena ematea komeni da lekua mugatua izaten baita eta honetarako 943 72 29 78 telefonora deitu daiteke edo igartubeti@gipuzkoa.eus helbidera idatzi.

Baina urtarrileko tailer bakarra ez da izango datorren larunbatekoa, hilabete honetan familiek bigarren batean ere parte hartzeko aukera izango baitute. Azken hau bi aste igaro eta urtarrilaren 26an izango da, arratsaldeko 16:30etik 18:30ak bitartean hau ere. Oraingo honetan 7 eta 12 urte bitarteko haurrei zuzendutakoa izango da ekintza eta bertan parte hartzen dutenek «Arto Maluta» delako tailerrean aritzeko aukera izango dute. «Ba al dakizu arrantzaleek arto hostoak erabiltzen zituztela atunak harrapatzeko? Arto malutak egiten ikasiko dugu tailer honetan», azaltzen dute Ezkioko baserri-museotik. Urtarrileko bigarren saio hau Donostiako Untzi Museoko Aitor Buitronek eskainiko du eta honetan ere aurretik izena ematea komigarria izango da.

Esperientziak

Museoa bisita gidatu baten bitartez ezagutzeaz gain, zentzumenekin esperimentatzeko aukera ere luzatzen du museoak, honetarako esperientzia desberdinetan parte hartu daitekelarik. Proiektu hau aurreko urtean ere abian izan zuten museokoek eta aurrerantzean berdin jarraituko du.

Oraingoan hiru dira museoak eskaintzen dituen esperientziak, bost zentzumenen bitartez, bisita berezietaz gozatzeko helburuarekin: Paisaiatik mahaira, Baratzeko sekretuak eta Igartubeitira, XVI. mendeko baserri batera zentzumen bidaia. Esperientzia hauetaz goza-tzeko aldez aurretik izena ematea beharrezkoa izango da, honetarako 943 72 29 78 telefonora deituz edo igartubeti@gipuzkoa.eus helbidera idatziz.

'Paisaiatik mahaira' esperientziarekin, bertako elikagaien dastaketa egingo da: Goierriko sagardoa, Euskal sagardoa eta Gorenak sagardoa, sagar zukua, Idiazabal gazta ketua eta ketu gabea, baserriko ogia, irasagarra, eztia, eta artisau gailetak. Honen iraupena 40 minutukoa izango da.

'Baratzeko sekretuak', berriz, gidatutako ibilaldi bat da. Baserri mundua ezagutzeko aukera eskaintzen du,bere inguruneko landareen, zuhaixken eta zuhaitzen bitartez. «Guztiak betetzen dute bere fun-tzioa Igartubeitin, esperientzia honen bitartez, beraien sekretuak deskubrtuko dituzu», diote museotik. Esperientzia hau martxotik abendura aurrera eramango da.

Azkenik, 'Igartubeitira, XVI. mendeko baserri batera zentzumen bidaia' dugu. Honekin, egun batez alkimista tipi bat bihurtzeko aukera izango dute bisitariek. Zentzumenak proban ipini eta larrurako bereziak diren xaboi naturalak egiteko aukera eskaintzen da. Honetaz gain, XVI. mendeko baserri bateko bizimodua esperimentatu ahal izango da interpretazio zentroko eta baserriko bisitan. Amaitzeko landa inguruneko zapore ezberdinak dastatzeko aukera egongo da baserriko atarian.