Legazpi
Euskaraldiarekin bat eginez, hamaika egunetako lehiaketa antolatu du Udalak

Bere Instagrameko profilean galdera bat botako du eguneko eta asmatzaileen artean opariak zozketatuko ditu

Cristina Limia

legazpi.

Viernes, 16 de mayo 2025, 20:16

Maiatzaren 15etik 25era gauzatzen ari den Euskaraldiarekin bat egin du Legazpiko Udalak, 11 egunez, hizkuntza ohiturak aldatzeko ariketa eginez 'Elkar mugituz egingo dugu' lemapean. Legazpiko Udalbatzak duela aste batzuk Euskaraldiarekin bat egiten zuela adierazi zuen eta aste honetan horrela egin dute udal langileek ere, taldeko argazkia ateraz ekimenari bere babesa adierazteko.

Euskaraldiaren hamaika egun hauetan ahobizi eta belarriprest izateaz haratago, herrian euskara bultzatzen jarraitu nahian, lehiaketa txiki bat aurrera eramango du Udalak bere Instagrameko profilaren bitartez. «Euskadaldiaren hamaika egunetan, euskara edota Euskaraldiaren inguruko galdera bana botako dugu, lau erantzun aukera eskainiz. Egun bakoitzeko galdera ongi erantzuten dutenen artean zozketa bat egingo da irabazlea aukeratzeko. Maiatzaren 26an hamaika egunetako irabazle guztiak elkartu eta opariak banatuko ditugu. Adi egon, animatu eta parte hartu!», gonbidatzen dituzte herritarrak.