Kizkitzako Amaren Eguna ospatzeko erromeria bihar

Kizkitza. Dantza eta jai giroa inoiz ez dira falta. /  GALILEA
Kizkitza. Dantza eta jai giroa inoiz ez dira falta. / GALILEA

GALILEA ITSASO.

Astean zehar ekaitzaren bat izan da bailaran eta euria egingo zuela entzun da ere baina dirudienez eguraldi ederra izango da bihar, Kizkitzako Amaren Eguneko erromeria aurrera eramateko primerakoa.

Eguerdiko 12:00etan izango da beti bezala meza, baselizako atzeko aldean kokatutako eszenatokian eta amaitu ondoren, erromeriari hasiera emango zaio Lidia Irigoien eta Xabier Etxanizekin.

Arratsaldeko 14:00etatik aurrera bazkari garaia izango dugu eta 16:00etan berriro ere erromeria, arratsalde osoan zehar musikak festa girotuz. Arratsaldeko 17:00etan toka eta fardoa botatzea hasiko dira.

Gau aldera, 21:00etan, trikitilariekin batera Itsasoko bidea hartuko dute bizilagunek eta herrira heldu bezain pronto plazako karpan elkartuko dira elkarrekin afaltzeko.

Mandubiko Bentan ere erromeria izango da egun osoan zehar, Rezusta anaien esku.

Contenido Patrocinado

Fotos

Vídeos