Kirikoketa ikastaroa, hurrengo asteburuan baserri museoan

Kirikoketa. Aurrera eramango den laugarren ikastaroa dugu hurrengo larunbatekoa. /  GALILEA
Kirikoketa. Aurrera eramango den laugarren ikastaroa dugu hurrengo larunbatekoa. / GALILEA

16 urtetik gorakoei eskainitako ikastaroa, 10:00etatik 13:00etara egingo da Juan Mari Beltranen eskutik

MIRYAM GALILEA EZKIO.

Aurreko urtean bi ikastaroetan parte hartzeko aukera eskaini zuen Igartubeiti Baserri Museoak eta oraingo honetan ere beste bi tailer proposatu dira. Hurrengo larunbatean bigarrena eta azkena egingo da, honetan parte hartzeko aukera zabalik jarraitzen duelarik.

Ikastaro honetan gazte eta helduek parte hartzeko aukera izango dute, 16 urtetik gorako guztiek hain zuzen ere, eta alde teorikoa landu ondoren, baserrira gerturatuko dira bertan praktikatzeko.

Maiatzaren 18an goizeko 10:00etan Igartubeitiko Interpretazio zentruan hasiko da Kirikoketa ikastaro praktikoa eta hau ere, aurrekoetan izan den bezala, Juan Mari Beltranek eskainiko du.

Kirikoketa sagarra txikitzeko pisoiekin egiten den txalapartaren aldaera da eta ikastaro honetan sagarra jotzen ikasteko aukera zabaltzen dute Igartubeititik. Hiru orduko ikastaroa izango dugu oraingoan (hasierakoetan bi ordukoa izan zen) eta hau bi zatitan banatuko da: hasiera batean interpretazio zentroan elkartu eta teoria eta ezagutza basiko batzuk landuko dituzte parte hartzaileek: nondik dator, beste herrialdetako adibideak... Eta jarraian Igartubeiti baserriko dolarera gerturatuko dira eta alde praktikoarekin hasiko dira, pisoiak eskuetan.

Tailerrean gehienez hamar lagunek parte hartzeko aukera dute eta momentuz lekuren batek libre jarraitzen du, beraz, teknika tradizional hau gertutik ezagutu nahi dutenek Igartubeitira deitu beharko dute izena emateko, 943 72 29 78 zenbakira edo igartubeiti@gipuzkoa.eus helbidera idatzi. Tailerra doakoa da. Informazio gehiagorako www.igartubeitibaserria.eus helbidera jo.

Gaur itxita

Ezkioko San Migel jaiak direla eta, gaur maiatzak 8, museoa itxita egongo da.