Kirikoketa ikastaro praktikoa, abian

Kirikoketa. Alde teorikoa azaldu ondoren, baserriko dolarean aurrera eramaten da praktika, pisoiak eskuetan. /  IGARTUBEITI
Kirikoketa. Alde teorikoa azaldu ondoren, baserriko dolarean aurrera eramaten da praktika, pisoiak eskuetan. / IGARTUBEITI

Bihar goizeko 11:00etatik 13:00etara kirikoketako bigarren ikastaro praktikoa aurrera eramango da Igartubeitin

MIRYAM GALILEA EZKIO.

Aurreko asteburuan lehenengo aldiz aurrera eraman zen Igartubeitin Kirikoketa ikastaro praktikoa eta bihar goizean berriro ere honetan parte hartzeko aukera izango dute interesa duten gazte eta helduek, izena emateko aukerak zabalik jarraitzen baitu.

Goizeko 11:00etan Igartubeitiko Interpretazio zentruan hasiko da Kirikoketa ikastaro praktiko hau eta bigarren honetan ere Juan Mari Beltranek eskainiko du. Kirikoketa sagarra txikitzeko pisoiekin egiten den txalapartaren aldaera da eta ikastaro honetan sagarra jotzen ikasteko aukera zabaltzen dute Igartubeititik. Bi orduko ikastaro hau bi zatitan banatzen da: hasiera batean interpretazio zentruan elkartu eta teoria eta ezagutza basiko batzuk lan-tzen dira: nondik dator, beste herrialdetako adibideak... Eta jarraian baserrira gerturatu eta alde praktikoarekin hasten dira, pisoiak eskuetan.

Tailerrean gehienez hamar lagunek parte hartzeko aukera dute eta momentuz lekuren batek libre jarraitzen du, beraz, teknika tradizional hau gertutik ezagutu nahi dutenek Igartubeitira deitu beharko dute izena emateko, 943 72 29 78 zenbakira. Tailerra doakoa da.

Sagardo Astea

Aurtengo Sagardo Astea urriaren 10ean hasi eta 19ra bitartean aurrera eramango da.

 

Fotos

Vídeos