Irakurzaletasuna bultzatzeko kanpainak abian jarraitzen du

Liburutegia. Beheko solairuan./
Liburutegia. Beheko solairuan.

GALILEA EZKIO.

Herriko udal liburutegiak irakurzaletasuna sustatzeko asmoarekin ekimen berezi bat jarri zuen urrian martxan non irakurtzeak saria izango duen, eta abenduaren 10a arte egongo da abian.

Adin guztietako herritarrek parte hartzeko aukera dute honetan eta parte hartzea oso erraza da: liburutegiko liburu bat irakurri eta itzultzerakoan irakurritakoaren iradokizun, kritika edo laburpentxo bat eramaten dutenei, trukean 'Beasaingo Mirentxu' edota 'Zumarragako Aresti' liburu-dendetan erabiltzeko bonu bat emango zaie.

Bonuak, hiru eta hamalau urte arteko haurrentzat 6 eurokoak izango dira; bestetik, hamalau urtetik gorakoentzat 12 eurokoak izango dira. Banatuko diren bonoak liburuak erosteko bakarrik balioko dute.

Ezkioko Udal-liburutegitik parte hartzera gonbidatzen diete herritarrei, irakurzaletasuna kutsatuz.

Ordutegia

Ezkioko liburutegia Anduaga Etxeko beheko solairuan kokatuta dago eta ondorengo ordutegia du: astelehen, asteazken eta ostiral arratsaldetan 17:00etatik 20:00ak bitartean dago zabalik. Liburutegiarekin kontaktuan jartzeko 943 72 35 25 telefono zenbakia edo ezkio-itsaso@hotmail.com helbidea

 

Fotos

Vídeos