Ibur Hipikako IV. Cavaletti Lehiaketa klasea laster

Cavaletti. Lehiaketa klasea irailaren 22an izango da. /  IBUR
Cavaletti. Lehiaketa klasea irailaren 22an izango da. / IBUR

MIRYAM GALILEAITSASO.

Ikasturte berria gogoz hasi dute oraingoan ere Ibur hipika klubekoek. Udan ekintza eskaintza zabala egon da zalditegian eta iraila hastearekin batera ere anitzak dira bertan egin ahal direnak.

Jakina da hilabetero antolatzen diren ibilaldi eta klaseetaz gain, ekintza berezi bat antolatzen dutela Iburekoek eta irailari dagokiona IV. Cavaletti Lehiaketa klasea izango da, hau hilaren 22an burutuko delarik.

Hiru froga izango dira bertan: lehenengoa 10 zm-koa; bigarrena, 30 zentimetrokoa; eta hirugarrena 50 zentimetrokoa. Honetan parte hartzeko aukera zabalik dago dagoeneko eta izena eman nahi dutenek irailaren 21a baino lehen egin beharko dute. Prezioa 12 eurokoa da eta bertan bazkaltzeko 10 euro. Izena emateko: 663 060 011 eta 655 735 300 edo iburhipikakluba@gmail.com.